Mai e po’ mai
te go bùa tanto a core
sità de rosàure e gran siore
in baùta
mato ingrejo de coro e de salso
ca spussa anca on poco da marso
e fago on salto indrioschina
co rinbalso
danovo de l’alto
e te ’edo ’fa in cuna specià
nte ’a pì mejo ’aguna
ciare ’olte xe ’ero
’na gran maresana
de s-ciuma monta
e se ingruma drento ’e to cai
ma romài chel càeo
’o gabiemo anca fato
e xe soeo coalche mona
a credarghe al Mòse
nte ’l mentre ’e to croste
te ’e poma ’e roste
de ste acoe meschisse
imegose
ma co rivo xoeàndo parsora
el Canàe
co m’incorxo del to vecio Arsenàe
’edo puìto el canpanìe del to Marco
de colpo el core se ’erxe
me desmentego el mae
ca m’incuèrxe
fà ’na mota ’e loame
me bevo el to ciaro
el to biavo ’evantìn
cofà ca on putìn
vanti on panaro de fritoe
me s-ciaro ae paròe de ’a to lengoa
sorèa cantarina
ca ga pa’ moroso
sto pavàn teroso
co parsora ’a so brosa
Tornando a casa Giammai / mi sei giunta altrettanto cara / città di servette e nobildonne / in maschera / intrisa di fanghiglia e salmastro / che odora pure di marciume / ed è una piroetta di gioia / ogni volta che di passaggio / ti rivedo dall’alto / come in culla riflessa / nello specchio della più bella laguna // talvolta è vero / una marea gelatinosa sale / ad invadere le tue calli / ma ormai / ci abbiamo fatto l’abitudine / e soltanto qualche grullo / confida ancora nel Mose / nel mentre le tue ferite / sono lenite dalle alghe / delle tue acque salmastre / limacciose // ma quando arrivo sorvolando / il Canal Grande / riconosco l’Arsenale / distinguo nettamente il Campanile di San Marco / senza preavviso il cuore si scioglie / scordo le avversità / che mi sovrastano / quanto un cumulo di letame / mi bevo la tua luce / il tuo azzurro levantino / quanto un bambino rapito / al cospetto di una corba di frittelle / mi ritempro al suono della tua lingua / fraterna e musicale / che si amalgama / a questo pavano terrigno / con tutte le sue croste