Suturne e solitarie
mi taponi la muse
cu la cuvierte come
che al faseve gno nono
cuant che al à decidût di là
parce che al jere stuf di vivi,
cence drams o marums
tant che se e fos la robe
plui naturâl dal om
Cussì jo, che o pant rassegnazion,
o cjali fûr dal barcon
il scûr e o scolti
la plovisine che e bat
tes pocis, nissun pe
strade e tal cirî o
ai zà cjatât, no berli plui
…cidine cidine tal cjaldut
o moli ogni pretese
TRISTE E SOLITARIA
Triste e solitaria / mi copro il viso / con la coperta come / faceva mio nonno / quando ha deciso di andarsene / perché era stanco di vivere, / senza drammi o amarezze / come se fosse la cosa / più naturale dell’uomo // Così io, che rivelo rassegnazione, / guardo fuori dalla finestra / lo scuro e ascolto / la pioggerellina che tambureggia / nelle pozzanghere, nessuno per / la strada e nel cercare / ho già trovato, non alzo più la voce / …in silenzio al calduccio / abbandono ogni pretesa